Монгол Улсаас гадаад руу зорчсон хоёр ч хүнээс омикрон вирус илэрсэн талаар гадаадын хэвлэлүүд мэдээлсэн. Харин манай улсын албаны хүмүүс уг мэдээллийг үгүйсгээд байгаа билээ. Тэгвэл омикрон вирус тархсан талаар иргэн Д цахим хуудастаа ийн бичжээ.

Тэрбээр  “Охины маань Япон Улс руу зорчсон. “Аэро Монголиа” онгоцонд хүүхдүүдтэй маань ойрхон суудалд явсан хүнээс омикрон илэрсэн гээд өнөөдрөөс тусгаарласан. Охин руу маань утсаар залгаад гэр бүлээрээ 14 хоног гэрээсээ гарахгүй, тусгаарлах талаар хэлсэн юм билээ. Гэтэл төд удалгүй долоо хоног тусгаарлагдах хүнс илгээсэн гэнэ.  Айлын хүүхдүүд хоол хүнсийг нь улсаасаа өгч тусгаарладаг юм байна. Харин манайх яаж тусгаарладаг билээ дээ.  Омикрон вирус Монголд аль хэдийнэ ороод иржээ. Муухай өвчин нь тусалгүй холуур өнгөрнө өө. Ээжийнх нь сэтгэл тайван байна. Хамгийн гол нь хүний төлөө сэтгэлтэй Япон орны хөгжил төлөвшил ямар агуу юм бэ гэдгийг энд үзүүлэхийг зорилоо.

Улс орныг маань удирдаж яваа салбар салбарын сэтгэлгүй шуналын дэвтэй, идээд ханаж цаддаггүй, мэдлэг мэдрэмжгүй гайнуудыг яах вэ гэж бодох юм" хэмээн бичсэн байна.