Орон сууцны 11 давхраас унах гэж байсан эрэгтэйгийн амийг аварчээ. Тодруулбал, “Нийслэлийн Баянзүрх дүүргийн 22 дугаар хороо, “Алтансан” хотхоны .. орц 11 дүгээр давхрын цонхоор хүн үсрэх гээд байна” гэсэн дуудлага өчигдөр Онцгой байдлын газарт иржээ. Дуудлагын дагуу Нийслэлийн Аврах ангийн алба хаагчид 16:25 цагт ангийн байрлалаас гарч, 11 км замыг туулан очиход 49 настай эрэгтэй Ч өндрөөс үсрэх гэж байжээ. Алба хаагчид 10 минут ажиллаж, иргэн Ч-г эсэн мэнд буулгаж,тус дүүргийн Цагдаагийн хоёрдугаар хэлтэст хүлээлгэн өгсөн байна.