Хэнтий аймаг Мөрөн суманд 15 настай сурагч охин сураггүй алга болжээ. Тодруулбал, энэ сарын 4-ийн 12:00 цагийн үед охин гэрээсээ “Дэлгүүр орлоо” гээд гараад ор сураггүй алга болсон байна. Охины аав, ээж цагдаагийн байгууллагад мэдэгдэж, эрлийн ажиллагааг цаг алдалгүй эхлүүлсэн ч охиныг өнөөдрийг хүртэл олоогүй байна. Одоогийн байдлаар Мөрөн сумын ЗДТГын ажилтнууд, иргэд нийлэн гурван бүлэгт хуваагдаж, 28 машинтайгаар эрлийн ажиллагааг зохион байгуулж байгаа аж.

Содон шинж тэмдэг богино үстэй, 160 см өндөртэй. Охин алга болох үедээ цэнхэр малгайтай гадуур хувцастай, цэнхэр өмд, хар адууны арьсан гуталтай, харааны нүдний шилтэй явжээ.  

Иргэд та бүхэн дээрх мэдээллийг түгээж, охиныг харсан хүн байвал 92069721 85206966 98022002 90576161 98984034 утсаар холбогдож, тус болохыг охины аав, ээж хичээнгүйлэн хүслээ.