Өнгөрсөн жил цар тахлын улмаас баяр наадмыг тэмдэглэн өнгөрүүлээгүй. Тодруулбал, олон хүн цуглуулахгүй, бөөгнөрөл үүсгэхгүй, халдвараас урьдчилан сэргийлэх үүднээс наадам зохион байгуулахыг хориглосон билээ. Өөрөөр хэлбэл, морь уралдаж, бөх барилдаагүй гэсэн үг.

 Гэтэл Улсын баяр наадмын комиссын шилэн дансны мэдээллээр “Хурдан морины салбар хороо бэлтгэл ажил зардал” гэсэн утгатай хоёр удаагийн гүйлгээ хийжээ. Тодруулбал, 2021 оны долдугаар сарын 22-нд Улсын баяр наадмын комиссоос “Өгөөмөр цацрал” ХХК-ийн данс руу 9.0 сая, “Магнай трейд” ХХК-ийн данс руу 6.562.000 төгрөгийг шилжүүлжээ. Улсын баяр наадмын комиссоос зохион байгуулаагүй наадам, морины уралдаанд зориулж 15.5 сая орчим төгрөгийг шилжүүлсэн гэдэг нь шилэн дансны мэдээллээр нь тодорхой болж байна.