Хотын захиргааг Хан-Уул дүүрэгт шинээр баригдсан байр руу нүүх ажил үргэлжилж байна. Энэ талаар Нийслэлийн Засаг даргын хэвлэлийн төлөөлөгч Н.Сугар "Ерөнхий сайдын өгсөн үүрэг, чиглэлийн дагуу нийслэлийн төр захиргааны байгууллагууд үе шаттай нүүж байна. Өнөөдөр 06:00 цагаас хотын захиргаа нүүж эхэлсэн. Нийт 400 хүний ажлын байрыг Яармаг руу нүүлгэж байна. Нүүлгэлтийн зардалд 90 сая төгрөг зарцуулж байгаа" хэмээн мэдээлсэн юм. Эргэн сануулахад, энэ сарын 25-нд нийслэлийн Хот байгуулалт, хөгжлийн газар, Газар зохион байгуулалтын алба шинэ байр руугаа нүүж оржээ.