Сар шинийн баяртай холбоотойгоор олон төрлийн хордлогот халдвар, өвчлөл нэмэгдэх хандлагатай байдаг. Иймд НЭМГ-аас иргэдэд дараах зөвлөмжийг хүргэж байна.

Хоолны хордлогот халдвараас сэргийлэх тулд;

• Хүнсний     бүтээгдэхүүн     худалдан     авахдаа    үйлдвэрлэсэн хугацаа, хадгалалт, хамгаалалт, сав баглаа боодлын бүтэн байдлыг шалгаж, баталгаатай газрыг сонгон үйлчлүүлэх,
• Хоол хүнс бэлтгэхийн өмнө гараа заавал угаах хэвших,
• Хоол хүнсэнд хэрэглэгдэх аяга, сав суулга, халбага, сэрээ, хутга, усны сав бусад хэрэгслэлийг сайтар угааж цэвэрлэх,
• Бялуу, өндөг, хиам, цөцгий, төрөл бүрийн салад, зууш, сүү, сүүн бүтээгдэхүүнийг зориулалтын дагуу хөргөгчинд 24 цагаас ихгүй хугацаагаар зөв хадгалах, хэмжээг тохируулан бэлтгэж хэрэглэх,
• Жимс, хүнсний ногоог сайтар угааж хэрэглэх,
• Ундаа, айргийг ам дамжуулан нэг аяга, саваар уухыг цээрлэх,
• Хордлого, халдвар болон бусад өвчний шинж тэмдэг илэрсэн үед яаралтай эмчид хандах хэрэгтэй.