Эрүүл мэндийн яам, Эрүүл мэндийн хөгжлийн төвийн албан тушаалтнууд  2022 оны нэгдүгээр сарын 28, 29-ний өдөр өдрүүдэд нийслэлийн Баянгол дүүргийн V хорооны Дэшиг-Дун, XVII хорооны Мөнгөлөггоо XV хорооны Усантүрүү, Сонгинохайрхан дүүргийн XX хорооны Жаргал өлзий, XXII хорооны Одонт манал, XXXII хорооны Жаргал өлзий-II, III, XX хорооны Энхтитэм, Хан-Уул дүүргийн IV хорооны Цэцдо, V хорооны Манал-Үйлс, VI хорооны Чандавиа, IX хорооны Аяут өрхийн эрүүл мэндийн төвд ажиллалаа. Өрхийн эрүүл мэндийн төвийн хүний нөөц, дайчлагдан ажиллаж байгаа резидент эмч нарын ирцийн байдалтай танилцаж, үйлчлүүлэгч нартай уулзаж санал хүсэлтийг сонсов. Өрхийн эрүүл мэндийн төвийн хяналтад дундаж 280-330 коронавирусийн халдвартай иргэн байна.

            Өрхийн эрүүл мэндийн төвийн үндсэн болон болон ковидын тусламж үйлчилгээнд Резидент эмч нарыг дайчлан дэмжлэг үзүүлж,  ажлын ачааллаас хуваалцаж байгаад болон резидент эмч нар маш сайн ажиллаж байгаа талаар өрхийн эмч нар ярьж байлаа. Мөн, хүний нөөц дутагдалтай байгаа тул гүйцэд эмчлүүлж чадахгүй ажилдаа орж дархлаа суларч дахин өвдөж байгаа, сувилагч их дутагдалтай, туслах сувилагч бэлтгэх сургалтыг зохион байгуулах, Эрүүл мэндийн даатгалын санхүүжилтийг хугацаанд нь олгож байх, “Ковид-19” халдварын эсрэг дархлаажуулалтад иргэд, ялангуяа залуучуудын идэвхи сул иргэд олон нийтэд халдвараас сэргийлэх чиглэлээр сэрэмжлүүлэг мэдээг арай өөр хэлбэрээр өгөх талаар танилцуулж байлаа.

Сар шинийн баяр тохиож буйтай холбогдуулан үндсэн болон Ковидын тусламж үйлчилгээнд онцгой анхаарах, хүний нөөцийн ачааллыг тэнцвэржүүлэх, резидент эмч нарын хүчийг зөв хуваарилах талаар чиглэл өглөө.