Томуу, томуу төст өвчний тархалтын талаар Нийслэлийн эрүүл мэндийн газрын мэргэжилтэн Б.Баатарсүхээс тодрууллаа.

      -Томуугийн сүүлийн үеийн өвчлөлт, тархалт ямар байна вэ ?

Томуугийн тандалт, үзлэгийг долоо хоног бүр тогтмол явуулдаг. Өнгөрсөн долоо хоногт 7787 үзлэг хийгдсэнээс 4286 томуу, томуу төст өвчин бүртгэгдсэн. Энэ нь нийт үзлэгийн 5.6 хувийг эзэлж байгаа юм. Өөрөөр хэлбэл, томуу, томуу төст өвчин өнгөрсөн оноос 4.8 хувиар нэмэгдсэн үзүүлэлттэй байна. Нийт үзлэгийн 13 хувийг 5-9 насныхан эзэлж байгаа бол, үзлэгийн 6.9 хувийг 10-15 насныхан эзэлж байгаа бол үлдсэн хувийг 0-4 насныхан эзэлж байна.

-Ихэнх хувийг хүүхдүүд эзэлж байгаа юм байна. Уг нь сургуулийн сурагчид амарчихсан байгаа шүү дээ?

-Сүүлийн хоёр жилийн хугацаанд коронавирусийн цар тахлын улмаас сургууль хичээл орохгүй байгаа учир хүүхдүүдийн томуу, томуу төст өвчний тархалт харьцангуй багассан. Мөн томуугийн оргил үе буюу хоёрдугаар сард хүүхдүүдийн улирлын амралт эхэлдэг нь тархалтыг багасгах нэг шалтгаан болдог. Гэсэн ч тодорхой хэмжээгээр хүүхдүүд өвчилсөөр байдаг.

-Томуу, томуу төст өвчний  хэчнээн төрлийн вирус байдаг вэ?

-Эрдэмтдийн хийсэн судалгаагаар гурваас дөрвөн төрлийн вирус орчилд нь байна гэж үзсэн. Өвөл болон хаврын улиралд томуугийн оргил үе байдаг. Аравдугаар сараас эхэлж, хоёрдугаар сард  оргил үедээ хүрдэг. Өөрөөр хэлбэл, өдийд бол томуугийн дэгдэлтийн гол үе. Сүүлийн жилүүдэд хүн амын бөөгнөрөл их байгаагаас үүдэн томуугийн өвчлөл ихээр нэмэгдэж байгаа. Сүүлийн 5-10 жилийн хугацаанд томуугийн өвчлөл илүүтэй өссөн.

Аравдугаар сараас эхэлж, хоёрдугаар сард  оргил үедээ хүрдэг. Өөрөөр хэлбэл, өдийд бол томуугийн дэгдэлтийн гол үе. Сүүлийн жилүүдэд хүн амын бөөгнөрөл их байгаагаас үүдэн томуугийн өвчлөл ихээр нэмэгдэж байгаа. 

-Томуугийн шинж тэмдэг нь ямар байдаг вэ?

-Томуу, томуу төст өвчин нь цээжээр өвдөх, толгой өвдөх, амьсгаадах, халуурах зэрэг ханиадны шинж тэмдэгтэй төстэй. Гэхдээ энгийн ханиаднаас жаахан хүндэвтэр байдлаар илэрнэ.

-Коронавирус,омикроны шинж тэмдэгтэй ижил юм байна. Иргэд хэрхэн таниж мэдэх вэ?

-Шинж тэмдгийн хувьд ижил. Омикрон хувилбар нь томуу, томуу төст өвчинтэй адилхан гэж үзээд байгаа шүү дээ. Иргэд амбулаторийн үзлэгээр таниж мэдэх боломжтой.