Геронтологийн үндэсний төв нь  настанд үзүүлж буй тусламж үйлчилгээг үндэсний хэмжээнд өргөжүүлэн хөгжүүлэхэд тулгамдаж буй асуудлуудыг холбогдох дээд шатны байгууллагуудад танилцуулж үе шаттай арга хэмжээг авч хэрэгжүүлэн ажиллаж байна.

Дээрх ажлын хүрээнд төвийн шинэ цогцолбор барилгын ажлыг эрчимжүүлэхэд олон улсын хандивлагч байгууллагуудтай  хамтран ажиллах үйл ажиллагааг зохион байгуулахаар төлөвлөсөн.

2022 оны нэгдүгээр сарын 14-өдөр төвөөс Япон Улсны элчин сайдын яаманд хүргүүлсэн хүсэлтийн дагуу Япон улсын Элчин сайдын яамны нэгдүгээр нарийн бичгийн  дарга ноён Матоба Сатоши ирж  төвийн үйл ажиллагаатай танилцав.

Уулзалтыг Геронтологийн үндэсний төвийн ерөнхий захирал Р.Хишигжаргал нээж, ЭМС-ын зөвлөх О.Батбаяр, Төвийн зөвлөх С.Амарсайхан,удирдлагын багийн хамт оролцжээ.

           Хэлэлцүүлгийн үеэр төвийн дэд захирал Т.Дулмаа “Геронтологи Гериатрийн салбарын цаашдын чиг  хандлага” танилцуулгыг хийж албаны төлөөлөгч нарт хамтран ажиллах саналыг  танилцуулсан юм.

           Уулзалтад оролцогчид Геронтологийн үндэсний төвийн шинэ цогцолбор нь Япон улсын туршлагаас  нутагшуулах замаар  үндэсний хэмжээнд менежментийн хамт шийдвэрлэх боломж байгаа эсэх талаар хэлэлцэж санал солилцов.