Боловсрол, шинжлэх ухааны яамнаас цаг үеийн асуудалтай холбоотойгоор мэдээлэл хийлээ. Хэвлэлийн хурлын үеэр БШУЯ-ны мэргэжилтэн

“Битүүн буюу хоёрдугаар сарын 20-ны өдрийн хичээлийг энэ долоо хоногийн бямба гараг руу, шинийн дөрвөн буюу баасан гарагийн хичээлийг дараа долоо хоногийн бямба гараг руу шилжүүлэх бодлого баримталж байгаа. Монгол Улс тархай, бутархай байршилтай. Сум, багийн төвд олон сургууль байдгаас олонх нь малчдын хүүхэд. Тиймээс сар шинийн баяраар нэг хоногийн хичээлтэй холбоотойгоор гэртээ ирж, очих асуудал, хүндрэл үүсдэг.  Мөн өнгөрсөн нэгдүгээр сард ОБЕГ-аас авсан мэдээллээр 15 аймгийн 85 сум зудтай байгаа. Энэ үед нэг өдрийн хичээлээс шалтгаалж хүүхдүүдийг эрсдэлд оруулахаас хамгаалах ёстой.

                            Уламжлалт сар шинийн баяраар доторхой зохицуулалтыг хийснээр хичээл, сургалтын үйл ажиллагааны тасралтгүй байдал, зохион байгуулалттай холбоотой асуудал бага гаргахын тулд энэ бодлогыг баримталж байна. Өнөөдөр Боловсрол, шинжлэх ухааны сайдын тушаалаар тухайн орон нутгийн удирдлагуудад чиглэл өгнө. Одоогоор нийслэл, 21 аймгийн Боловсрол, шинжлэх ухааны газартай сайдын тушаалыг хэрхэн хэрэгжүүлэх талаар хурал зохион байгуулахаар бэлтгэж ажлаа хангаж байна” гэв.