• Өнөөдөр 2025-07-21

ОЙН ЭРҮҮЛ МЭНДИЙН МОНИТОРИНГИЙН СУДАЛГААТАЙ ТАНИЛЦАХ, ТУРШЛАГА СОЛИЛЦОХООР АНУ-Д АЖИЛЛАЖ БАЙНА

2024-08-14,   145

Байгаль орчин, уур амьсгалын өөрчлөлтийн яам, ЗГХА Ойн газар, “Рио Тинто Монгол” ХХК, Олон улсын байгаль хамгаалах нийгэмлэгийн хамтран хэрэгжүүлж буй “Эрүүл Ой” төслийн хүрээнд Монгол улсын ойн салбарын мэргэжилтнүүд АНУ-ын Ойн Эрүүл Мэндийн хөтөлбөртэй танилцаж байна.
 
АНУ-ын Ойн Эрүүл Мэнд, Хэрэглээний Шинжлэх Ухааны төвийн захирал Марла Даунингтай уулзаж, хөтөлбөрийн үйл ажиллагаатай танилцаж, тус хөтөлбөрийн хэрэгжүүлж буй мониторинг судалгаа, эрсдэлийн үнэлгээний аргад тодорхой өөрчлөлтүүдийг оруулж, Монгол улсын ойн судалгаанд хэрэгжүүлэх боломжийн талаар ЗГХА Ойн газрын дарга Б.Оюунсанаа тэргүүтэй баг хамт олон ярилцлаа.
 
Мөн тус хөтөлбөрийн үйл ажиллагааны нэг хэсэг болох зайнаас тандан судалгааны ажлын арга, үр дүнг Проф.Шинг Ли Хуан болон Жим Элинвүүд нар танилцуулж Монгол орны ой, шавж, өвчин, судалгаанд тулгамдаж буй асуудлыг зайнаас тандан судалгаагаар судлах талаар хэлэлцэв.
 
Колорадо-ын их сургуулийн ойн шавж, өвчний лабораторийн ой хамгааллын нэгдсэн үйл ажиллагаатай танилцаж, Монгол улсын ойн хөнөөлт шавж, өвчний судалгааг өргөжүүлэх, боловсон хүчин бэлтгэх боломжийн талаар ярилцан тохиролцлоо.

ОЙН ЭРҮҮЛ МЭНДИЙН МОНИТОРИНГИЙН СУДАЛГААТАЙ ТАНИЛЦАХ, ТУРШЛАГА СОЛИЛЦОХООР АНУ-Д АЖИЛЛАЖ БАЙНА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.