“Эмийн үнийн өсөлтийн шалтгаан, нөхцөлийг хянан шалгах” үүрэг бүхий түр хорооны нотлох баримтыг шинжлэн судлах сонсгол хоёр дахь өдрөө үргэлжилж байна. Энэ үеэр Б.Жаргалмаа “Эмийн асуудал аалзны торон дотор байгаа гэдэг нь үнэн. Эмийн асуудал ашиг сонирхлын зөрчлөөс ангид байх шаардлагатай. АТГ-ынхан эмийн асуудалд яагаад арга хэмжээ авдаггүй байсан бэ. Хугацаа нь дууссан, чанаргүй эм устгасан гэхэд хэн итгэх вэ. Засаг дарга нар орон нутгийнхаа чанаргүй эмийг  устгасан эсэхэд хяналт тавьдаг уу, үгүй юү гэдэг нь тодорхойгүй байдаг. Ард түмэн ууж байгаа эмэндээ итгэх арга алга” гэв.