УИХ дахь МАН-ын бүлэг хуралдаж, цаг үеийн асуудлаар мэдээлэл өглөө. Энэ үеэр МАН-ын бүлгийн дарга Д.Тогтохсүрэн “Өнөөдрийн хуралдаанаар УИХ дахь МАН-ын бүлгийн дэд даргыг сонгох, Засгийн газраас өргөн мэдүүлсэн Аялал жуулчлалын тухай хуулийн шинэчилсэн найруулгын төслийн талаар хэлэлцлээ.

    Нэгдүгээрт, УИХ дахь МАН-ын бүлэг гурван дэд даргатай байх ёстой хэмээн дүрэмдээ заасан байдаг. Энэ дагуу нийслэлийн асуудал хариуцсан намын бүлгийн дэд даргаар УИХ-ын гишүүн Э.Бат-Амгаланг сонголоо. Хоёрдугаарт, Засгийн газраас 2023-2025 оныг аялал жуулчлалын жил болгосонтой холбогдуулан УИХ-ын хаврын чуулганы эхэнд Аялал жуулчлалын тухай хуулийн төслийг хэлэлцэж батлах ёстой гэж үзэж байна. УИХ-ын гишүүн Х.Ганхуягаар ахлуулсан ажлын хэсэг ажиллаж байна” гэв.