“Грийнхаус” хотхоны СӨХ-ийн дарга С.М нь Грийнхаус хотхоны хажууд баригдаж байгаа спорт заалыг кюкүшюзан Батбаяр, Т.Баясгалан нар албан ёсны зөвшөөрөлгүй барилга барьж байна гэж үзэж хотхоны орчим барилга бариулахыг эсэргүүцэж 2х6 метрийн хэмжээтэй "кюкүшюзан Батбаяр, Т.Баясгалан нар Грийн хаус хотхоны байранд нийтийн орон сууцны орчины булан тохой бүрт, Токио тауэр, спорт заал, таун хаус, 14 айлын орон сууц, кюкшюзан сан, гэх таван барилга бариад бүгдийг нь зарж дуусгасан. Одоо грийн хаус хотхоны урдах спорт заал, орон сууцыг нурааж 14 давхар оффисын барилга барих гэнэ. Энэ бага зай талбайд өндөр барилга бариад.... хотхоны 300 гаруй оршин суугчдын эрх ашиг зөрчихдөх болно. Тэд ойр орчны бүх газрыг ховх сорж дуусгасан ч ханаж, цадсангүй. Бид хотхоноосоо нүүхгүй, барилга барихыг эсэргүүцэж байна. Бид барилгыг зогсоох хүртэл тэмцэх болно” хэмээжээ. Тус хулдаасан хэвлэлийг иргэн Д.Батбаяр ирж хутгаар хуулж зүсэж, танхайрсан гэх өргөдөл гаргасныг ХУДЦГ-ын нэгдүгээр хэлтсээс шалгаж байна.