Казах түмний Наурызын баярт зориулсан Улс аймгийн алдар цолтой 128 бөхийн барилдаан энэ сарын 19-нд болсон. Тус барилдаанд Баян-Өлгий аймгийн “Өлгийн хүчтэнүүд” дэвжээний тус аймгаас сонгогдсон УИХ-ын гишүүн Т.Аубакир “Бөхчүүдийг дэмжиж, анхаарахгүй байна” хэмээн барилдаагүй гэдэг. Энэ талаар УИХ-ын гишүүн Т.Аубакираас тодрууллаа.

     Тэрбээр “Манай аймгийн бөхчүүд Казах түмний баярт зориулсан барилдаандаа яагаад барилдахгүй байгааг ойлгоогүй. Өнгөрсөн жил улс, аймгийн цолтой 256 бөх барилдсан. Тус барилдаанд 25 сая төгрөг зарцуулсан. Харин энэ жилийн барилдаанд 23 сая төгрөгийг Сэлэнгэд тарьдаг будааныхаа мөнгөнөөс өгсөн. Манайхны Бөөсөнд гомдоод хувцсаа шатаав” гэдэг зүйр үг байдаг. Түүн шиг зан гаргаж байгааг нь гайхаж байна. Жил бүр бөхчүүдээ дэмжиж эмчилгээ болон уураг, амин дэмийн мөнгө өгдөг. Аймгийнхаа бөхчүүдэд гомдож байна” гэсэн юм.