• Өнөөдөр 2025-05-16

Он гарснаас хойш 90 мянга орчим гаалийн бүрдүүлэлтийг цахимаар хийжээ

2023-03-16,   284

    Засгийн газраас гадаад валютын нөөцийг нэмэгдүүлэх чиглэлээр 362 дугаар тогтоолыг хэрэгжүүлж эхэлсэн. Уг тогтоолын дагуу гаалийн байгууллагаас үйл ажиллагаагаа бүрэн цахимжуулах ажлыг эрчимжүүлжээ.
              Улмаар уул уурхайн бараа, бүтээгдэхүүнийг олборлох, боловсруулах, тээвэрлэх, улсын хилээр гаргах зэрэг бүхий л шатыг цахим хэлбэрээр бүртгэх "Гэрээ бүртгэлийн нэгдсэн систем"-ийг энэ оны нэгдүгээр сараас эхлэн нэвтрүүлээд байна. Өнөөдрийн байдлаар уг системд нийт 280-аад байгууллагын 1300 орчим гэрээг цахим төлбөрийн баримтыг бүртгэсэн. Үүний үр дүнд Татварын ерөнхий газар болон гаалийн байгууллагын давхардсан гэрээ бүртгэлийн цаасан хэлбэрийг халжээ.
         "Гэрээ бүртгэлийн нэгдсэн систем" нь өмнө нь гаалийн бүрдүүлэлтэд олон дахин цаасан гэрээг хуулбарлан өгч шалгуулах, давхардсан хяналт, шалгалтыг халах, ААН-үүдийн хугацааг хэмнэх, ажлыг нь хөнгөвчлөх зэрэг ач холбогдолтой аж. Өнөөдрийн байдлаар 90.000 орчим гаалийн бүрдүүлэлтийг цахимаар хийсэн байна.
 
          ААН-үүд гэрээгээ нэг удаа цахим бүртгэлээр хийчихвэл цаашид олон дахин ашиглах боломжтойгоороо мөн онцлог. Өмнө нь гаалийн бүрдүүлэлт хийх болгондоо гэрээгээ хуулбарлаж, гаалийн байгууллагад биечлэн хүргэдэг байсан. 
 
Эх сурвалж: Гаалийн ерөнхий газар

Он гарснаас хойш 90 мянга орчим гаалийн бүрдүүлэлтийг цахимаар хийжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.