Засгийн газрын ээлжит хуралдаан үргэлжилж байна. Хуралдаанаар БОАЖЯ-ны Төрийн нарийн бичгийн дарга Э.Баттулгыг ажлаас нь чөлөөлжээ.

    Тэрбээр БОАЖЯ-ны Хуулийн хэлтсийн дарга С.Цогтгэрэлийг албан тушаалаас нь халах шийдвэр гаргажээ. Тодруулбал, энэ сарын 13-нд тус яамны Хуулийн хэлтсийн дарга Сүхбаатарын Цогтгэрэлийг удаа дараа бусдыг гадуурхах, эрхшээлдээ байлган дарамтлах, ажлын цагаа бүртгүүлэхгүй байх, төрийн жинхэнэ албан хаагчдаас хууль бус үйлдэл хийхийг шаардах зэргээр хууль бус үйлдэл гаргасан хэмээн үзэж, ажлаас нь чөлөөлж, Төрийн албаны хууль, Хөдөлмөрийн дотоод журмыг ноцтой зөрчсөн тул төрийн албанд гурван жилийн хугацаатайгаар эргэж орох эрхгүйгээр халах сахилгын шийтгэл ногдуулсан байна. Тус шийдвэрийг гаргаад удаагүй байсан Э.Баттулга ажлаасаа чөлөөлөгдөхөөр болжээ.

     С.Цогтгэрэлийг БОАЖ-ын сайд Б.Бат-Эрдэнэ  2022 оны хоёрдугаар сард Хуулийн хэлтсийн захирлаар томилсон байна. Тэд өмнө нь ШӨХТГ-т хамт ажиллаж байжээ.