Монгол цэргийн баяр болоход гурван хоног үлджээ. Энэ өдөр хайртай залуу, ачлалт аав, ахтайгаа хамт үзэж болох үзвэрүүдийн хуваарийг танилцуулж байна.

                "ШӨНӨ БУУСАН ААДАР" драмын жүжиг

     2005 онд Улсын драмын эрдмийн театрын тайзнаа Төрийн соёрхолт, Урлагийн гавьяат зүтгэлтэн Н.Наранбаатарын найруулгаар “Шөнө амталсан нулимс” жүжиг нээлтээ хийж, үзэгчдийн зүрх сэтгэлд хоногшин үлдсэн билээ. Энэхүү уран бүтээлийг 2023 онд Соёлын гавьяат зүтгэлтэн, нэрт сэтгүүлч, зохиолч Ц.Балдорж агсны 70 насны ойд зориулан “Мөрөөдлийн театр”-ын уран бүтээлчид албан ёсны онцгой эрхтэйгээр эх зохиолын нэр буюу “Шөнө буусан аадар” нэрээр нь  шинэчилсэн найруулгаар үзэгчдийн хүртээл болгоход бэлэн болоод байна.

Хаана: Соёлын төв өргөө

Хэзээ: Гуравдугаар сарын 15-19-ны өдрүүдэд

“Эр хүн танаа” тоглолт

Тоглолтонд МУГЖ С.Ганзориг, МУГЖ У.Далантай, МУГЖ Б.Батболд, МУГЖ Б.Баярмагнай, МУГЖ С.Өлзийхүү, МУГЖ Ж.Туяа, СТА Б.Болд, СТА Х.Мөнгөнцэцэг, СТА Т.Бат-Очир, Цагдаагийн Сүлд чуулгын дуучин, хөтлөгч Л.Эрдэнэболд, жүжигчин Баярмаа, дуучин Г.Энхцэцэг, "Аглуу Энтертайнмент" бүрэн бүрэлдэхүүнээрээ оролцоно.

Хаана: МҮЭСТО

Хэзээ: Гуравдугаар сарын 18

“Нарны домог” бүжгэн жүжиг

      Алунгоо эхийн домогт сургаальд тулгуурлан бүтээгдсэн Монголын анхны ардын бүжгэн жүжиг болох "Нарны домог" бүжгэн жүжиг 1988 онд мэндэлж байсан билээ. Тэгвэл энэ жил уг бүжгэн жүжгийн мэндэлсний 35 жилийн ой тохиож, гуравдугаар сарын 17,18,19-ний өдрүүдэд дахин толилуулах гэж байна. Уг бүжгэн жүжиг нь Хөдөлмөрийн баатар, Ардын уран зохиолч, Төрийн шагналт, соёлын гавьяат зүтгэлтэн Б.Лхагвасүрэнгийн цомнол, Хөдөлмөрийн баатар, Төрийн шагналт, Ардын жүжигчин Д.Лувсаншаравын хөгжим, Хөдөлмөрийн баатар, Төрийн шагналт, урлагийн гавьяат зүтгэлтэн С.Сүхбаатарын дэглэлт юм. "Нарны домог" бүжгэн жүжгийн 35 жилийн ойгоор Халимаг, Тува, Буриад, Өвөр Монгол, Монголын шилдэг бүжигчид хамтдаа чуулах гэж байна.

Хаана: Үндэсний урлагийн их театр

Хэзээ: Гуравдугаар сарын 17- 19

MONGOLIAN CLASSIC RECITAL тоглолт

Чингис хаан одонт, МУ-ын Хөдөлмөрийн баатар,цццц Төрийн шагналт, Урлагийн гавьяат зүтгэлтэн, хөгжмийн зохиолч Б. Шаравын мэргэжлийн дуурийн дуучдад зориулан бичсэн "Үүл бороо цэцэг гурав", "Намар аа гэж", "Хавар", "Солонго" зэрэг ари романсуудыг төгөлдөр хууртай дуулна. Монгол Улсын  хөдөлмөрийн баатар, Төрийн хошой шагналт, Ардын жүжигчин хөгжмийн зохиолч Н. Жанцанноровын Алсын газрын зэрэглээ, Хөөрхөн халиун гээд ардын дууны найруулгыг ятгатай болон төгөлдөр хууртай үзэгч танд өөрийн дуу хоолойгоор хүргэх болно.

Хаана: Улсын филармони

Хэзээ: Гуравдугаар сарын 18

"Тээр жил" тоглолт

"Хонх" хамтлагийн Н.Энхбаяр, "Харш"-Б.Баярт, "Цэцэг"-н Ч.Батболд, "Номин"-н П.Төгсөө, "Титэм"-н Л.Тайванбат, Д.Отгонбаатар нар оролцоно.Тээр жилийн дурсамжийг тэд сэрээнэ

Хаана: UB palace

Хэзээ: Гуравдугаар сарын 18