Энэ долоо хоногт ихэнх нутгаар хүйтний эрч чангарч, цасан шуурга шуурна гэх мэдээлэл бий. Бид энэ талаар Цаг уур, орчны шинжилгээний газрын ахлах мэргэжилтэн О.Оюунчимэгээс тодрууллаа.

   Тэрбээр “Төв болон зүүн бүсийн нутгаар цасан шуурга болж, хүйтрэх төлөвтэй байгаа. Өнөө шөнө Хэнтий, Сүхбаатарын нутаг, Дорнодын баруун хэсгээр, маргааш өдөр Дорнодын өмнөд хэсгээр цасан шуурга шуурна. Мөн Өмнөговь, Дундговийн нутаг, Дорноговийн баруун хэсгээр, 14-ний өдөр Дорноговийн нутгаар салхи секундэд 18-20 метр, зарим үед секундэд 24 метрийг давж ширүүснэ. Төв, зүүн бүсийн нутгаар 16-18-ны өдрүүдэд хур тунадас орохгүй” гэв.