“Фантастик” продакшны залуу жүжигчин Э.Одбаярын төрсөн өдөр өнөөдөр тохиож байна. Кино урлагийн дээд сургуулийг жүжигчин мэргэжлээр төгсөөд, “Шинэ үе” продакшнаас уран бүтээлийнхээ гарааг эхэлсэн гэдэг. Ийн хошин урлагийн шилдэг продакшнп ах, эгч нараасаа чамгүй зүйл сурч, мөнхүү тайзан дээрээс үзэгчидтэй уулзаж байсан тэрбээр өдгөө кино урлагт манлайлж яваа “Фантастик” продакшнд харьяалагдан хамгийн отгон жүжигчнээр нь ажиллах болсон.

         Бие хаа сайтай, нуруулаг, царайлаг, охидын краш гээд уран бүтээлчийн хувьд олон тодотголтой тэр “Маш нууц” кинонд тоглосноор “Фантасттик” продакшны ах нартайгаа нэгдэж, тус продакшнаас гаргасан “18 нас би чамд хайртай”, “37-р Точка”, “Зура 2” зэрэг олон уран бүтээлд гол болон туслах дүр бүтээсэн. Байнгын кино зураг авалтын талбай, бүтээлээс бүтээлийн хооронд амьдрахдаа түүний алхдаг өөр нэгэн зам бол спорт гэнэ. Ихэнхдээ зураг авалтгүй үедээ фитнессд цагаа өнгөрөөж, бие бялдартаа ихэд анхаардаг байна.

       Түүнийг урлагийн хүн болоход хамгийн их дэмжсэн хүн нь ээж нь байна. Энэ тухай “Ээж маань намайг хүүхэд байхаас л дэмжсэн. Жаахан байхдаа би жүжгийн дугуйланд явъя гэхэд зөвшөөрсөн. Би жүжигчин болно гэхэд хүртэл дэмжсэн. Миний хүсэл мөрөөдлийг хэзээ ч хорьж байгаагүй. Надад итгэсэн. Үүний үр дүнд өдий зэрэгтэй явж байгаа нь ээжийн маань ач юм уу даа гэж би боддог. Би сайн явбал ээж маань сэтгэл нь тайван баярлана шүү дээ. Манай ээж миний тоглосон киног үзчихээд хамаатан, найз нөхөддөө "Энэ манай хүү шүү дээ" гээд жаахан ч гэсэн онгироод ярьж байгааг нь харах надад сайхан байдаг” гэж ярьсан байдаг.