• Өнөөдөр 2025-08-13

Оюутнууд өнөөдрөөс эхлэн И-Монголиа ситемээр цэрэгт явах хүсэлтээ гаргана

2023-03-06,   436

             Оюутнууд тусгайлан заасан журмын дагуу цэргийн бүртгэлд өнөөдрөөс эхлэн хамрагдана. Тодруулбал, энэ жилийн бүртгэл гуравдугаар сарын 6-10-ны хооронд И-Монголиагаар дамжуулан цахимаар явагдах юм. Цахим бүртгэл явагдсаны дараа шаардлага хангасан оюутнууд гуравдугаар сарын 14-ны өдрөөс сургуулийнхаа харьяа дүүргийн цэргийн штабт өөрийн биеэр очиж бүртгэлээ баталгаажуулна.
Харин дараа нь гуравдугаар сарын 20-ноос эрүүл мэндийн эмнэлгийн үзлэгт орж биеийн тамирын шалгалт давхар өгөх юм. Гурван шатны сонгон шалгаруулалтад тэнцсэний дараа онолын сургалтад хамрагдах эрхээ олж авна. Онолын сургалтыг амралтын өдрүүдэд хоёр сарын хугацаанд зохион байгуулна хэмээн Батлан хамгаалахын яамнаас өнгөрсөн долоо хоногт мэдээлсэн билээ.
      Оюутан цэрэг хөтөлбөрт тэнцсэн хүүхдүүд зургадугаар сарын 15-наас эхлээд хоёр сарын хугацаатай хээрийн дадлага сургуулилалтад явж хугацаа дуусмагц цэргийн тангаргаа өргөснөөр нэгдүгээр зэргийн бэлтгэл үүрэгтнээр бүртгүүлэх юм.
 
  Оюутан цэрэгт элсүүлэх журам:
 
Улаанбаатар хотын их, дээд сургуулийн нэгдүгээр дамжааны оюутан
2.8-аас дээш голч дүнтэй
2023 оны зургадугаар сарын 15-ны өдрөөр 18 нас хүрсэн байх
Эрүүл мэндийн даатгал төлсөн байх. Эдгээр шаардлагыг хангасан оюутан И-Монголиа системээр хүсэлтээ явуулах боломжтой.

Оюутнууд өнөөдрөөс эхлэн И-Монголиа ситемээр цэрэгт явах хүсэлтээ гаргана
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.