Монголын Өмгөөлөгчдийн Холбооны Удирдах зөвлөлийн 2023 оны гуравдугаар сарын 04-ний өдрийн зургадугаар тогтоолоор Монголын Өмгөөлөгчдийн Холбооны Нийслэлийн Өмгөөлөгчдийн Зөвлөлийн даргаар, өмгөөлөгч Тогоохүүгийн Ихтамир томилогдов.

      Монголын Өмгөөлөгчдийн Холбооны Нийслэлийн өмгөөлөгчдийн зөвлөлийн дарга Т.Ихтамир 1978 онд Төв аймгийн Эрдэнэсант суманд төрсөн. 2001 онд Орхон их сургуулийг эрх зүйч мэргэжлээр, 2019 онд Дотоод хэргийн их сургуулийг Хууль зүйн ухааны магистраар тус тус төгсөж одоо Дотоод хэргийн их сургуульд докторантаар суралцаж байгаа бөгөөд Монголын Өмгөөлөгчдийн Холбооны гишүүн, өмгөөлөгчөөр есдэх жилдээ ажиллаж байна.

АЖИЛЛАСАН БАЙДАЛ:

• 2003-2008 онд Монголын Өмгөөлөгчдийн Холбооны гишүүн, өмгөөлөгч;
• 2004-2008 онд “Ворклайн” ХХК-д хуулийн зөвлөх;
• 2008-2011 онд “Монтуса” ХХК-д хуулийн зөвлөх;
• 2011-2012 онд Монгол Улсын Хүний эрхийн Үндэсний Комиссын Хэвлэл мэдээлэл хариуцсан референт, Гомдол хариуцсан референт, Референтийн үүргийг түр орлон гүйцэтгэгч;
• 2012-2015 онд Монгол Улсын Хүний эрхийн Үндэсний Комиссын Гомдол, хяналт шалгалт хариуцсан Ахлах мэргэжилтэн, Хэлтсийн даргын үүргийг түр орлон гүйцэтгэгч;
• 2015-2022 онд Монгол Улсын Хүний эрхийн Үндэсний Комиссын Гомдол, хяналт шалгалтын Хэлтсийн дарга;
• 2022 оноос Өмгөөллийн “Хүний эрх хөгжлийн түүчээ” ХХК-ийн гүйцэтгэх захирал.

ШАГНАГДСАН БАЙДАЛ:
 

• 2010 онд Монголын Өмгөөлөгчдийн Холбооны “Өмгөөлөгчийн алдар” алтан медаль
• 2013 онд Монголын Өмгөөлөгчдийн Холбооны дээд шагнал “Тэргүүний өмгөөлөгч” цол тэмдэг
• 2018 онд Засгийн газрын “Хууль зүйн албаны тэргүүний ажилтан” тэмдэг
• 2019 онд Төрийн шагнал “Хөдөлмөрийн хүндэт медаль”
• 2022 онд Төрийн дээд шагнал, “Алтан гадас одон”-оор тус тус шагнагдсан.