Улаанбаатарт автомашины нүүрсэн яндан хулгайлах гэмт хэрэг үйлддэг дөрвөн бүлэг, 13 этгээдийг дайчлан баривчилжээ. Мөн  2022 оны арваннэгдүгээр сараас хойш энэ төрлийн 45 гэмт хэрэг үйлдсэн болохыг тогтоосон байна.

     Уг бүлэг этгээд нь гэмт хэрэг үйлдэхдээ өөрийн эзэмшлийн болон автомашин түрээсэлдэг ААН, хувь хүнээс автомашин түрээслэн хуурамч улсын дугаар ашиглан нийслэлийн гудамж, талбай, автомашины ил зогсоолд байршуулсан приус 20 маркийн тээврийн хэрэгслийг сонгож, хучих, данхраадах, үйлдлийн аргаар нүүрсэн яндан хулгайлж байжээ. Нэг ширхэг нүүрсэн янданг 1.6-2.5 сая төгрөгөөр борлуулдаг байна.

     Сүүлийн жилүүдэд нүүрсэн яндан хулгайлах гэмт хэрэг үйлдсэн 29 этгээдийг яллагдагчаар татсан байна. Үүнээс найман яллагдагчид цагдан хорих, 22 яллагдагчид бусад төрлийн таслан сэргийлэх арга хэмжээ авчээ. Харин одоо мөрдөн шалгах ажиллагаанд 11 этгээдийг яллагдагчаар татан шалгаж буй аж.