"Гуравдугаар сарын 1-нээс үндэсний энгийн паспортын шинэ загвар болон цахим гадаад паспортыг хэрэглээнд нэвтрүүлнэ" хэмээн УБЕГ-аас мэдээллээ. Монгол Улс Олон улсын иргэний нисэхийн байгууллагын (ИКАО) нийтийн түлхүүрийн санд 82 дахь гишүүн орноор элсэн орсон. Ингэснээр Олон Улсын стандартад нийцсэн, өндөр нууцлалтай гадаад паспортыг Монгол Улсын иргэд ашиглах боломжтой болж байна.

Ирэх гуравдугаар сарын 1-ний өдрөөс эхлэн шинэчлэгдэн батлагдсан Үндэсний энгийн болон цахим гадаад паспортын шинэ загварыг хэрэглээнд нэвтрүүлж байгаа тул иргэд та бүхэн өөрийн хүсэлтээр дээрх хоёр төрлийн паспортоос сонголт хийж аваарай.

Захиалахдаа дараах нэгжүүдээс авах боломжтой. Үүнд:

• Нийслэлийн есөн дүүргийн улсын бүртгэлийн хэлтэс
• Нийслэлийн үйлчилгээний нэгдсэн төвүүд /Дүнжингарав, Мишээл, Драгон, Баянхошуу, Оргил, Баянгол төв/
• Улсын бүртгэлийн үйлчилгээний нэгдсэн цэгүүд /Баянзүрх дүүрэгт Жанжин клуб, Төр захиргааны II байр, Дарь-Эх, Чингэлтэй дүүрэгт Спорт хороо цогцолбор байр, Хан-Уул дүүрэгт Буянт-Ухаа нисэх буудал/