Цагдаагийн байгууллагад өчигдөр Баянгол дүүргийн зургадугаар хорооны нутаг дэвсгэрт байрлах байрны “Долоон давхарт газ дэлбэрч, гал гарсан байна” гэх дуудлага, мэдээлэл ирсэн байна.

     Дуудлагын дагуу тус дүүргийн цагдаагийн газрын хоёрдугаар хэлтсээс шалгахад, тус тоотод асаалттай байсан зулнаас гал алдаж, улмаар өрөөний дулааны шугам хэт халж, дэлбэрснээс үүдэн тус тоотын доод давхрын айлын өрөөний тааз хэсэг цөмөрсөн байжээ. Мөн байрны гадна зогсоод байсан Тоёота маркийн хоёр тээврийн хэрэгсэл дээрээс хагарсан шил зэрэг эд зүйл унаж, эвдрэл үүссэн хэрэгт мөрдөн шалгах ажиллагаа явуулж байгаа аж. Ослын улмаас хүний биед гэмтэл, бэртэл учраагүй байна.