Хөгжлийн банкны хэргийг шүүх урьдчилсан хэлэлцүүлэг үргэлжилж байна. Энэ үеэр өмгөөлөгч нар өөрсдийнхөө байр суурийг илэрхийллээ. Өмгөөлөгч Ж.Энхчулуун “Шүүх хуралдаан Үндсэн хуулийн дагуу явах ёстой. Үг хэлэх хугацааг олонхоороо шийдэх, бидний үг хэлэх цагийг хязгаарлах ёсгүй. Цахим орчинд гарч байгаа мэдээллийн дагуу Монгол Улсын иргэн бүр шударга шүүхээр эрхээ хамгаалуулах эрхтэй. 100 гаруй өмгөөлөгчөөс хэдхэн шүүгч өмгөөлөгчтэй байна. Өмгөөлөгчдийн сууж буй заал хүйтэн байна. Шүүх шударга, хуулийн дагуу ажиллах ёстой. Гаргаж байгаа саналыг хуулийн дагуу сонс. Хүлээж авахгүй гээд алх нүдэж болохгүй. Энэ нь өмгөөлөгч нарыг шударга бус шүүх хурал болох нь гэж хардахад хүргэж байна” гэлээ.