БНТУ-д -үүрэг гүйцэтгэж байгаа байгаа Монгол Улсын Аврах баг өчигдөр буюу хоёрдугаар сарын 11-нд барилгын нурангиас гурван хүний цогцсыг илрүүлэн орон нутгийн сайн дурынханд байршлыг мэдээлж, хоёр насанд хүрсэн болон нэг хүүхэд цогцсыг гаргасан байна.
 
    Түүнчлэн хоёрдугаар сарын 12-ны өдрийн 02:39 цаг /Анкарагийн цагаар хоёрдугаар  сарын 11-ний өдрийн 21:39/-т хүчтэй газар хөдөлсөн тул эрэн хайх ажиллагааг түр зогсоолоо.

Аврах багийн эмнэлгийн бүлэг хоёрдугаар сарын 11-ний өдөр хээрийн эмнэлэгт нийт 92 хүнд /найм нь хүүхэд/ үзлэг, оношилгоо хийж эмнэлгийн яаралтай тусламж үзүүлэв.

Эдгээрээс ясны хугаралтай найман хүний хугарлыг засаж, боолт тавьсан бол 34 хүнд өвчин намдаах, 11 хүнд шингэн сэлбэх эмчилгээг хийжээ. Мөн 45 хоногтой хоёр нярай хүүхдэд үзлэг, эмчилгээ хийж, тэжээлийн дутагдалд орсон байсан тул дараагийн шатлалын эмнэлэгт хүлээлгэн өгсөн байна