Ховд аймагт амиа алдсан 15 настай охины хэргийн талаар Цагдаагийн Ерөнхий газрын Хэвлэл мэдээллийн дарга Г.Мөнхбаяр мэдээлэл өглөө.

     Тэрбээр “Ховд аймгийн Жаргалан суманд 15 настай охин үе тэнгийнхээ дөрвөн охинд зодуулж, амиа алдсан гэх мэдээлэл нь худал. Харин талийгаачийн амийг гэр бүлийн хамаарал бүхий иргэн хөнөөсөн нь урьдчилсан байдлаар тогтоогдсон. Түүнийг  цагдаагийн байгууллагаас хойшлуулшгүйгээр баривчилж,  48 цаг цагдан хорьж буй. Талийгаачийн амийг хөнөөсөн байж болзошгүй гэр бүлийнх нь хамаарал бүхий хүн гэрийнхэнтэйгээ үгсэн хуйвалдаж, талийгаачийг "Үе тэнгийнхээ дөрвөн хүүхдэд зодуулж, амиа алдсан" хэмээн худал мэдээлэл тарааж, мөрдөн шалгах үйл ажиллагаанд саад учруулсан” гэлээ.