БНТУ-д үүрэг гүйцэтгэх Монгол Улсын эрэн хайх, аврах баг орон нутгийн цагаар 10:00 цагт “Газенто” олон улсын нисэх буудалд газардсан. Тэгвэл Монгол Улсын Засгийн газраас БНТУ-ын ард иргэдэд хүмүүнлэнгийн тусламж үзүүлэх зорилгоор илгээсэн 1500 ноосон хөнжил, 10 тонн махан нөөш, хоёр тонн лаа болон бусад бараа, бүтээгдэхүүнийг холбогдох байгууллагад хүлээлгэн өгчээ.

                               Хүмүүнлэгийн тусламжийг Монгол аврах багийн ахалж явсан ОБЕГ-ын дэд дарга, бригадын генерал Б.Ууганбаяр, БНТУ-ын Гадаад хэргийн яамны тусгай үүрэг гүйцэтгэгч Элчин сайд Мустафа Юурдакулад гардуулж өгсөн аж. Улмаар Монголын эрэн хайх, аврах баг Туркийн Газиантеп хотоос 200 км зайд орших газар хөдлөлтийн голом Хатая хот руу хөдөлсөн байна.