Сэлэнгэ аймгийн Мэргэжил сургалт үйлдвэрлэлийн төвийн 29 багш ажлаасаа гарна. Эсвэл өлсгөлөн зарлана гэх мэдэгдлийг өөрсдийн цахим хуудсаараа дамжуулан хийсэн. Энэ талаар сургалтын менежер н.Солонгоос тодрууллаа.

            Тэрбээр “Сэлэнгэ аймгийн МСҮТ-ийн орлогч захирал н.Золзаяа багш ажилчидтай зүй бус харьцдаг. Үүнээс үүдэн багш нар ажилт хаялт зарлаж байгаа гэж ойлгож байна. Тэр олон хүний дунд үүссэн маргааныг нэг бүрчлэн тайлбарлах боломжгүй. 2021 оноос хойш н.Золзаяа орлогч захирал хийж байгаа, яагаад шинэ захирал томилохгүй байгааг мэдэхгүй. БШУЯ-ны мэргэжилтнүүд манай сургуульд хяналт, шалгалт хийхээр өчигдөр ирсэн. Гурав хоногийн хугацаанд шалгалт явуулна. Би сургалтын менежер хүний хувьд сургуулийн үйл ажиллагаа хэвийн явагдаж, сурагчдад суралцах боломжоор хангагдаасай гэж хүсэж байна” гэлээ.