Жүжигчин У.Цогтбаярыг яллагдагчаар татсан гэх мэдээлэл олон нийтийн сүлжээгээр цацагдсан. Энэ талаар түүнээс тодрууллаа. Тэрбээр “Намайг Чингэлтэй дүүргийн Цагдаагийн нэгдүгээр хэлтсээс дуудсан. Би байцаалт өгөхөөр явж байна. Нүүрсний хулгайн хэрэгт холбогдсон нэр бүхий хүмүүсийн нэрийг зарлахыг шаардсан жагсаалд оролцсоноос хойш Тагнуулын Ерөнхий газар, Цагдаагийн Ерөнхий газар, Мөрдөн байцаах албанд долоон удаа байцаалт өгсөн. Өнгөрсөн хугацаанд хэн, ямар гомдол гаргасны улмаас надаас байцаалт авсныг мэдэхгүй байна. Надад энэ тухай хэлдэггүй юм. Харин энэ удаад Эрүүгийн цагдаагийн албанаас буюу цагдаагийн гомдлоор надаас байцаалт авах юм щ шиг байна. Гэхдээ ямар үндэслэлээр намайг дуудсан болохыг мэдэхгүй байгаа. Олон удаа байцаалт өгч байгаа болохоор надад ямар нэгэн хэрэг тохох вий гэж гэм буруугүй мөртлөө эмээж байна” гэлээ.