Турк, Сирийг дамнасан 7.8 магнитудын хүчтэй газар хөдлөлтөд 600 гаруй хүн амиа алдаж, 3000 хүн шархаджээ. Турк Улсад амьдарч буй манай улсын иргэд газар хөдлөлтөд өртсөн эсэхийг Гадаад харилцааны яамны хэвлэл мэдээллийн ажилтнаас тодрууллаа.

    Тэрбээр “Турк Улсад болсон газар хөдлөлт манай улсын иргэд зорчдоггүй бүс нутагт болсон. Тиймээс одоогийн байдлаар манай улсын иргэд газар хөдлөлтөд өртөөгүй байгаа. Мөн энэ талаар үргэлжлүүлэн Анкара дах Элчин сайдын яамнаас тодруулж байна” гэлээ.