Цагдаагийн байгууллагад өчигдөр 17:10 цагт Орхон аймгийн нутаг дэвсгэрт “Дэлгүүрийн гадна асаалттай орхисон тээврийн хэрэгслээс бэлэн мөнгө хулгайд алдсан” гэх дуудлага, мэдээлэл бүртгэгдсэн байна.

     Дуудлагын дагуу шалгалтын ажиллагааг эхлүүлэхэд “Lexus” маркийн тээврийн хэрэгслээс гурван сая төгрөг бэлнээр алдагдсан байжээ. Хэргийг 11 настай эрэгтэй С, 14 настай эрэгтэй У, 15 настай, эрэгтэй О нар үйлдсэнийг шуурхай эрэн сурвалжилж илрүүлэн мөрдөн шалгах ажиллагаа явуулж байна. Сар шинийн баяр дөхөж байгаа учир зах худалдааны төвүүдэд иргэдийн хөдөлгөөн нэмэгдэж хулгайлах, залилах төрлийн гэмт хэрэг, зөрчил үйлдэгдэж болзошгүй тул иргэд та бүхэн энэ төрлийн гэмт хэргээс урьдчилан сэргийлэхийг цагдаагийн байгууллагаас сэрэмжлүүлж байна.