УИХ-ын гишүүн Т.Доржханд цаг үеийн асуудлаар мэдээлэл хийлээ. Тэрбээр “Бид нэг жилийн өмнө өөрсдөө өөрчил үгүй бол тар гэдэг жагсаал хийж байсан. Түүнээс хойш олон үйл явдал болж өрнөсөн. Том хулгайнуудын ард төр гацчихсан байгаа. Монголчууд авлига, хулгайгаа дийлэхгүй юм байна. Тийм болохоор тогтолцооны өөрчлөлтийг шинэчлэх ёстой. Иргэдийн шаардлагыг УИХ-ын гишүүд тухайн үед шийдэж чадаагүй. Иргэд нүүрсний хулгайгаас болж нийтээрээ бухимдсан. Хулгай ярьсаар байгаад монголчуудын амьдрал дуусах нь. Иргэд авлига, хулгайг өөрчилж, Монголд амьдрах боломжтой болгож өгөөч гэж байгаа юм. Тиймээс хамтдаа өөрчлөх аяныг эхлүүлж байгаа юм. “Хүн” намын зүгээс Үндсэн хуульд гар хүрэхийг дэмжихгүй. Тиймээс би УИХ-ын гишүүний хувьд иргэдэд зөв мэдээлэл хүргэхийн тулд иргэдтэйгээ уулзаж, сонингоо тараана” гэлээ.