“Их Бит” ХХК нь IHC койн гаргах замаар иргэдээс 30 тэрбум төгрөг татан төвлөрүүлж, манифуляци хийж олсон орлогыг угаасан гэх хэргийг Цагдаагийн байгууллагаас шалгаж байгаа. Үүнтэй холбоотойгоор өчигдөр тус компанийн үүсгэн байгуулагч О.Мөнхжиний гэр, ажлын байранд нэгжлэг хийсэн. Тэгвэл Ө.Мөнхжин болон “Их Бит” ХХК-ийн хувьцаа эзэмшигч О.Мөнхжин, Б.Гантиг, Б.Эрхэмбаяр нарыг хорих 461 дүгээр ангид саатуулан шалгаж эхлээд байна.

                                Ташрамд дурдахад, О.Мөнхжин, Б.Эрхэмбаяр, Б.Гантиг, Б.Идэр-Од нарын үүсгэн байгуулсан “Их Бит” ХХК-иас гаргасан Inflation Hedging Coin буюу IHC токен анх дотоодын дөрвөн биржид 100 тэрбум ширхэг койн гаргасан. Улмаар эхний ээлжид задалсан койн анхдагч зах зээлд минут хүрэхгүй хугацаанд 30 тэрбум төгрөг татан төвлөрүүлж, дотоодын дижитал хөрөнгийн дээд амжилт тогтоогоод байв.