Уул уурхайн салбар үүсэж хөгжсөний 100 жилийн ойг тохиолдуулан Монгол Улсын Ерөнхийлөгч У.Хүрэлсүх төрийн дээд цол одон, медаль гардууллаа.

          Энэ үеэр Монгол Улсын Ерөнхийлөгч У.Хүрэлсүх "Монгол Улсын эдийн засгийн суурь үндэс болсон уул уурхайн салбарын түүхт 100 жилийн ойн баярын мэндийг уурхайчид, энэхүү салбарын нийт хамт олон, эрдэмтэн судлаачдад өргөн дэвшүүлье. Уулын ашиглалтын инженерээс ажлын гараагаа эхэлж, геологи, уул уурхайн салбар, үйлдвэрлэлийн орлогч сайд хүртэл дэвшин ажиллаж, улс эх орондоо 40 гаруй жилийн хөдөлмөрөө зориулахдаа эрдэст баялагийн салбарын хөгжилд олон улсын хөрөнгө оруулалтыг нэмэгдүүлэхэд идэвхи санаачилгатай ажиллан, Монгол зөвлөлтийн эдийн засгийн хамтын ажиллагааны хүрээнд хамтарсан үйлдвэрүүдийг барьж байгуулах, боловсон хүчнийг бэлтгэх ажлыг бодлогын түвшнээс сэргэжилтийн түвшинд үр дүнтэй зохион байгуулсан, ХХ зууны манлай бүтээн байгуулалт болох Эрдэнэт үйлдвэрийг байгуулах тухай анхны хэлэлцээрийг хийхээс эхлэн ашиглалтан хүлээх авах, салбарын үндэсний боловсон хүчнийг бэлтгэх, сургаж дадлагажуулах ажлыг нарийвчлан төлөвлөж, үр дүнтэй хэрэгжүүлж, Засгийн газар хоорондын гэрээ хэлэлцээрийг сайжруулах ажлуудыг үндэслэлтэй, тооцоололтойгоор гарган тавьж, Монгол, Зөвлөлтийн хамтарсан үйлдвэрийн дүрмийн  сан, талуудын оролцооны хувь хэмжээг 49 хувь болгож, Монголын талын хувь хэмжээг нэмэгдүүлсэн ажлыг нь өндрөөр үнэлж, олон зуун мэргэжилтэй боловсон хүчнийг бэтгэхэд мэдлэг чадвараа дайчлан ажилласан, Геологич, Уул уурхайн яамны орлогч сайд асан Д.Рэнчинхандад Монгол Улсын Хөдөлмөрийн баатар цол олгож, Сүхбаатарын одон, алтан соёмбот тэмдгээр шагнаж байна" гэв.