МАН-ын бүлгийн дарга Д.Тогтохсүрэн УИХ-ын гишүүн Ж.Мөнхбатын бүрэн эрхээсээ чөлөөлөгдөх хүсэлт өгсөнтэй холбоотойгоор мэдээлэл хийлээ.

Тэрбээр "Ж.Мөнхбат УИХ-ын гишүүнээсээ татгалзаж, чөлөөлөгдөх хүсэлтээ УИХ-ын даргад өгсөн юм байна. Бид өнөөдөр л энэ талаар мэдээлэл авлаа. Чөлөөлөх эсэхийг чуулганаар шийддэг. Гуравдугаар сарын 15-нд хаврын чуулган эхлэх үеэр энэ талаар хэлэлцэнэ. Ээлжит бус чуулган хуралдахгүй. Үүнээс өмнө бүлэг хуралдаж, хүсэлтийг  хүлээн авах эсэхээ шийднэ.
     Н.Учрал гишүүний оруулж ирсэн хуулийн төслийн хувьд олонх нь дэмжсэн. Зөвлөлдөх зөвлөл байгуулагдаж, зөвлөх санал асуулга явагдаж байна. Улсын хэмжээнд 1560 орчим хүнээс санал асуулгын аргаар санал авч байгаа. Ирц одоогоор 70 гаруй хувьтай байна. Энэ сарын 14, 15-ны өдрүүдэд хоёрдугаар шатны санал эхэлнэ. Нийт 20 гаруй асуулттай санал асуулга бий. Үүнд Үндсэн хуулийн асуудал яригдаж байгаа. Шинэ Үндсэн хуулийн тухай яаж хийх вэ гэдэг зүйл одоог хүртэл хуулийн хүрээнд зохицуулагдаагүй.  Бидний бүрэн эрх бол журмын хуулийн хүрээнд үндсэн хуульд нэмэлт өөрчлөлтийн асуудал л авч үзэх эрх байгаа. Тэр хүрээнд парламентын тогтолцоогоо боловсонгүй болгох хүрээнд өөрчлөлт хийх талаар олон жил яригдах асуудал.

    Орон нутагт ажиллаж байгаа гишүүд 1072 хувьцааны ноогдол ашиг сүүлийн хоёр ил өгөөгүй байгааг өгүүлэх хэрэгтэй гэж ярьж байна. Боломжтой эсэхийг нь мэдэхгүй байна" гэв.