Нийслэлийн цагдаагийн газраас койнтой холбоотой гэмт хэргийн талаар мэдээлэл хийлээ. Нийслэлийн цагдаагийн газраас өгч мэдээллээр 2022 оны хоёрдугаар сард виртуал хөрөнгийн хуулийг баталсан ба энэ нь Санхүүгийн зохицуулах хороогоор зохицуулагдаж, үүнтэй холбоотойгоор Цагдаа, Тагнуулын байгууллага мөрдөн шалгах эрхтэй. Дээрх хуулийн хүрээнд манайд 12 крипто биржээр 37 койн арилжаалагдаж байна. Бид хэд хэдэн удирдлагуудтай уулзалт хийсэн ба ингэхдээ иргэдэд койн санал болгохдоо санхүүгийн гэмт хэрэгт холбогдож, залилан хийж байгаагүй, санхүүгийн чадамжтай, биржүүд дээрх шалгуурыг хангасан этгээдүүдэд зөвшөөрөл олгохыг хэлсэн байна.

Түүнчлэн “Зах зээлийн зарчмаар үнэ ханшаа тогтоож явж байгаа бизнес эрхлэгчдийг шууд хянаж, шалгаж, хохироох эрх бидэнд байхгүй. Гэхдээ залилангийн шинжтэй буюу тухайн мөнгөө хувьдаа завшсан, мэдээллийг ашигласан хүмүүсийг шалгах эрх бий. IT, санхүүгийн мэргэжилтнүүд шаардлагатай байдаг учир бид алба хаагчдаа чадавхжуулж байна. Виртуал хөрөнгөтэй холбоотой сүүлийн гурван жилд 468 хэрэг бүртгэгдсэн. Нууц үгээ алдаад койноо алдсан, Монголд дахь койноо гадагшаа алдсан гэх мэт 2021 онд 81 хэрэг, 2022 онд 371 2023 онд найман хэрэг тус тус бүртгэгдсэн. Эдгээрээс хөрөнгө босгосон гэсэн дөрвөн хэрэг бүртгэгдээд байна. Нийт хэд нь гараад хэд нь бүртгэгдээгүй, хэдэн төгрөг төвлөрүүлсэн гэх мэдээлэл цахим орчинд маш их байна. Нарийн мэдээллийг Санхүүгийн зохицуулах хорооноос авах нь зүйтэй. Өнөөдөр гэхэд өмнө нь 25 иргэнийг залилаад 300 гаруй сая төгрөг авсан иргэн Б нь ХУД-ийн шүүхийн шийдвэрээр долоон жилийн ял авлаа. Мөн өнгөрсөн жил Монгол Улсын иргэд крипто валютынхаа нууц үгээ алдан хөрөнгөө гадагшаа алдсаныг нь Монгол руу буцаан татаж авсан ба тухайн хэргийг үйлдсэн гэмт этгээдэд гурван жилийн ял оноосон. Үүнээс гадна сэтгүүлчийн хэвлэн нийтлэх эрх чөлөөнд халдаж, шалгалтын үйл ажиллагааг явуулаагүй. Тухайн үйлдэл холбогдсон сэтгүүлч Анхбаярыг хувь хүнийх нь үйлдэлтэй холбогдуулан шалгасан. Нэг үгээр бол сэтгүүлчийн ажил мэргэжилтэй холбоотой ямар ч асуудал байхгүй гэсэн үг. Харин ажил, мэргэжлээ урвуулан ашиглаж бусдын эрхэнд халдсан гэдэг үндэслэлээр   шалгасан. Прокурорын зөвшөөрлөөр баривчлах ажиллагааг зохион байгуулж, одоо мөрдөн шалгах ажиллагааг зохион байгуулж байна.  Иргэн Анхбаяр нь Улаанбаатар хотод үйл ажиллагаа явуулдаг савун, массажны газруудад ажилдаг нэр бүхий охид бүсгүйчүүдийн дүрс бичлэгийг шөнийн цагаар хийж “Олон нийтийн сүлжээнд тараана” удаа дараалан хүний эрхэнд халдсан. Тиймээс бусдад ноцтой хохирол учруулж магадгүй, бусдыг сүрдүүлсэн байж болзошгүй үйлдэлд холбогдуулан шалгаж байна." гэлээ.