СЛАВЯНЧУУДЫН ӨВЛИЙН ӨВГӨН БА ЦАСАН ОХИНЫ ӨДӨР

      Нэгдүгээр сарын 30-нд өвлийн хамгийн алдартай баяруудын нэг эртний славянчуудын Өвлийн өвгөн ба Цасхан охины өдрийг тэмдэглэдэг байна. Энэ өдөр эртний славянчууд, баян чинээлэг, энх тунх амьдралын  бэлгэдэл болсон хүчирхэг Велес бурхны өвлийн дүр болсон Жавар өвгөнийг алдаршуулж иржээ. Өвлийн өвгөн, Цасхан охины өдөр нь өвлийн төгсгөлийн бэлгэдэл бөгөөд түүнийг дагалдаад өгөөмөр, өргөн Шар тосны баяр тохиодог аж.

 ДЭЛХИЙН АНХНЫ АВРАГЧ ЗАВИЙГ ДАЛАЙД ТУРШЖЭЭ    

     Хөлөг онгоцны сүйрлээс  хүмүүсийн аврах хэрэгсэл нь  далайн тээвэр эхэлснээс л үүдэлтэй нь дамжиггүй. Харин аврах тусгай хэрэгсэлийн түүх нь тийм эртнийх биш.1790 оны нэгдүгээр сарын 30-нд Хойд Английн Тайн гол дээр анхны тусгай аврах завийг туршжээ.Түүнийг "Орижинал" гэж нэрлэсэн ба шлюпын урт нь 30 фунт байлаа. Завийн “эцгээр” өмнөд Шилдзийн Генри Гритхэд гэдэг хүн нэрлэгджээ.

        Тайн гол дээр 1789 онд гарсан эмгэнэлтэй хэрэг явдал  ийм завь бүтээх  санааг төрүүлжээ.1839 он гэхэд Британийн арлын эргийн 30 станц  аврагч завиар тоноглогдсон байлаа.

ЭНЭ ӨДӨР ТҮҮХЭНД:

• МЭӨ 516 он - Иерусалем дахь Хоёрдугаар сүм албан ёсоор баригдаж дуусчээ.
• 1018 он - Бауцений энхийн гэрээгээр Польш улс Ариун Ромын эзэнт гүрэнд дагаар оров.
• 1648 он - Мюнстер ба Оснабрукын гэрээнд гарын үсэг зурснаас Нидерланд-Испанийн хооронд өрнөсөн дайн 18 жилийн дараа эцэс болов.
• 1806 он - АНУ-ын Нью-Жерси мужийн Трентон хотыг Пеннсильвани мужийн Моррисуилль хоттой холбосон "Доод Трентоны гүүр" ашиглалтад оржээ.

• 1826 он - Дэлхийн хамгийн анхны дүүжин гүүр Исле оф Англиси-д нээгдэв. Баруун Уэльсийг хойд хэсэгтэй холбосон энэ гүүрийг "Менайн дүүжинт гүүр" гэж нэрлэдэг ажээ.

• 1835 он - АНУ-ын ерөнхийлөгч Эндрью Жексоны амь насанд халдах эхний оролдлого гарав. Түүнийг Ричард Лоуренс гэгч халдахыг завджээ.
• 1847 он  - Калифорни мужийн Иерба Буена хот Сан Франциско болж нэрээ өөрчлөв.
• 1858 он - Английн Манчестер хотод анхны бүтэн цагийн тоглолтын мэргэжлийн "Халле" оркестр нээгдэж, тоглолтоо хийж  эхэлжээ.
• 1908 он - Энэтхэгийн эрх чөлөөний төлөө тэмцэгч Мохандас Карамчанд Ганди хоёр сар шоронд хоригдсоны эцэст суллагджээ.
• 1925 он - Туркийн засгийн газар Үнэн алдартны шашны хамба VI Константинийг нутгаасаа хөөн гаргажээ.