Зөвлөлдөх санал асуулга зохион байгуулах үүрэг бүхий Зөвлөлдөх зөвлөлөөс цаг үеийн асуудлаар мэдээлэл хийлээ.

      УИХ-ын 2022 оны арванхоёрдугаар сарын 22-ны өдрийн зөвлөлдөх санал асуулга явуулах  тухай гаргасан шийдвэрийн дагуу Зөвлөлдөх зөвлөл нэгдүгээр сарын 6-ны өдөр байгуулагдсан. Түүнээс хойш тасралтгүй ажиллаж, зөвлөлдөх санал асуултын эцэслэн хувилбарыг ҮСХ-д хороонд хүлээлгэн өгсөн.

            Маргаашнаас ҮСХ хуульд заасны дагуу үүргийнхээ дагуу анхдугаар санал асуулгыг энэ сарын 30-ны дотор зохион байгуулна. Хоёр дахь шат нь зөвлөлдөх уулзалт хэлбэрээр зохион байгуулагдана. Анхдугаар санал асуулгын асуултад ҮСХ-оос санамсаргүй түүврийн аргаар сонгогдсон 1570 хүнийг сонгож авсан. Үүнээсээ ахин 50 хүртэл хувийг нь санамсаргүй түүврийн аргаар сонгож, Төрийн ордонд урьж, зөвлөлдөх уулзалт хоёрдугаар сарын 14-15-ны өдөр зохион байгуулна. Зөвлөлдөх уулзалтыг зохион байгуулах эрх хуулиар Төрийн байгуулалтын  байнгын хороонд бий. Харин асуулт боловсруулах, үндсэн чиг үүрэг Зөвлөлдөх зөвлөлд байгаа.

МУИС-ийн Эдийн засгийн тэнхимийн багш, доктор, профессор Б.Отгонтөгс: Зөвлөлдөх зөвлөл УИХ-аас 2022 онд баталсан 80 дугаар тогтоолын дагуу нийгэм, эдийн засагт үүсээд буй хүндрэл, бухимдлын талаар шийдэхдээ 76 гишүүн бус иргэдээсээ санал авч, судлаач, шинжээч нартай хамтран зөвлөмж бэлтгэж, үүнийгээ шийдэхээр болсон. Аливаа асуудлын дагуу иргэд санал бодлоо илэрхийлэх боломжгүй байдаг. Тиймээс бид нийгэм, эдийн засгийн гол асуудлуудыг хөндөж асуулт асуусан.