• Өнөөдөр 2025-04-30

АТГ: Улсын хилээр нэвтрүүлэх бараанд лиценз олгох журмын хэрэгжилтийг хянаж байна

2023-01-25,   333

          Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь энэ оны нэгдүгээр сарын 16-20-ны өдрүүдэд авлигын шалтгаан, нөхцөлийг арилгах хүрээнд Эрчим хүчний сайдад хүргүүлсэн зөвлөмжийн хэрэгжилт, үр дүнг тооцож, “Улсын хилээр төрийн хяналтын дор нэвтрүүлэх бараанд экспорт, импортын лиценз олгох журам”-ын хэрэгжилтийг судлан, журмыг хэрэгжүүлэгч төрийн байгууллагуудын үйл ажиллагаанд тандалт, хяналт, дүн шинжилгээ хийв.
 
      Өнгөрсөн долоо хоногт Архангай, Сэлэнгэ, Төв, Хөвсгөл, Дорноговь аймгийн болон Эрүүл мэндийн яамны албан тушаалтнуудад хамаарах төрийн үйлчилгээний хүнд суртал, чирэгдэл, төрийн албан хаагчийн ёс зүйтэй холбоотой иргэдээс ирүүлсэн гомдлыг хянан шалгалаа.
 
        Хэвлэл, мэдээллийн хэрэгсэлд болон нийгмийн сүлжээнд нийтлэгдсэн зарим мэдээллийн мөрөөр зарим албан тушаалтнаас тайлбар тодруулга авах ажлыг гүйцэтгэж байна. Үүнд “Өргөө” амаржих газрын Эрүүл мэндийн тусламж үйлчилгээ, чанарын алба, УБЕГ, ХХҮЕГ, И-Монгол академи ТӨҮГ, “Монголын самрын бизнес эрхлэгчид, бүтээгдэхүүн үйлдвэрлэгчдийн эрхийг хамгаалах холбоо” зэрэг байгууллагыг хамруулав.

АТГ: Улсын хилээр нэвтрүүлэх бараанд лиценз олгох журмын хэрэгжилтийг хянаж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.