Хоёр хүүхэд хүнд гэмтээж, долоон машин мөргөсөн Ч.Маралмаад холбогдох хэргийн мөрдөн шалгах ажиллагаа хоёр сар гаруй хугацаанд үргэлжилж, өнгөрсөн арванхоёрдугаар сард хилийн хориг тавьсан билээ. Тэгвэл тус хэргийн шүүх хурал өнөөдөр 11:00 цагт Баянзүрх дүүргийн Эрүүгийн хэргийн Анхан шатны шүүхэд болох байсан хэргийн холбогдогч Ч.Маралмаа өмгөөлөгчөөсөө татгалзсан гэх шалтгаанаар хоёр дахь удаагаа хойшиллоо. Энэ талаар хохирогч охины өмгөөлөгч О.Цэрэнпунцаг мэдээлэл өглөө.

         Тэрбээр  “Энэхүү хэрэгт холбогдон шалгагдаж буй Ч.Маралмаа өмгөөлөгч Дэлгэрнямаас татгалзсан учир шүүгдэгчийн эрх зүйн байдлыг ханган дахин өмгөөлөгч авч шүүх хуралд оролцох нөхцөлөөр хангагдаж Шүүх хурлыг хоёрдугаар сарын 10-ныг хүртэл хойшлууллаа. Хохирогч охин Шүүх эмнэлгийн дүгнэлт хүндэвтэр гэсэн дүгнэлт гарсан байдаг. Өмгөөлөгчийн хувьд хүндэвтэр гэдэг дүгнэлтийг эсэргүүцэж шүүх хуралд оролцож байна” гэв.