Хүйтний эрч чангарч цаг агаарын огцом үзэгдэл эхэлж байгаатай холбоотойгоор малчид төөрч ор сураггүй алга болох явдал ихэсжээ. Он гарснаар улсын хэмжээнд сураггүй алга болсон арван хоёр , төөрсөн тав буюу нийт 17 удаагийн дуудлага Онцгой байдлын байгууллагад бүртгэгдсэн байна.

Тодруулбал, өчигдөр буюу нэгдүгээр сарын 23-нд Дархан-Уул аймгийн Дархан сум,  Дорноговь аймгийн Алтанширээ, Даланжаргалан сум,  Өмнөговь аймгийн Цогтцэций сум, Дундговь аймгийн Хулд суманд таван дуудлага Онцгой байдлын байгууллагад бүртгэгдсэн байна.

                                      Дуудлагын дагуу Онцгой байдлын алба хаагчид есөн иргэний амийг авран хамгаалж, ар гэрт болоод холбогдох байгууллагад эсэн мэнд хүлээлгэн өгөх үүрэг гүйцэтгэжээ.

Иймд малчид, иргэд болон тээвэрчид хол, ойрын замд гарахдаа аюулгүй байдлаа хангах, малчид малаа ойрын бэлчээрт бэлчээх, тээвэрчид авто тээврийн хэрэгслийн бүрэн бүтэн байдлыг хангахыг  мэргэжлийн байгууллагаас сэрэмжлүүлж мэдээ, мэдээллийг тухай бүр хүлээн авч, болзошгүй эрсдэлээс сэргийлэхийг Онцгой байдлын байгууллагаас анхааруулж байна.