Ээжүүд цаг үеийн асуудлаар мэдээлэл хийлээ.

            н.Дөлгөөн: Би ээжүүдийг төлөөлж хүүхдийн мөнгөтэй холбоотой асуудлын араас явж байна. Бид хүүхдийн мөнгийг тэтгэмж гэж үзэхгүй, хүүхдийн эрхийг дээдэлж, ялгаварлахгүй тэгш олгохыг хүссэн. Гэвч Засгийн газрын шийдвэрийн дагуу хүүхдийн мөнгийг тэтгэмж болгон хувиргаж, зорилтод бүлэгт буюу 91 хувьд олгох шийдвэр гарсан. Тэгвэл бид улсаараа зорилтот бүлгийн нэн ядуу орон юм байна. Миний хувьд гэр бүлдээ ганцаараа орлого олдог. Өөрийн цахим хуудастаа “Надтай ижил хүн байна уу” гэхэд мянга гаруй өрх холбогдсон. Зөвхөн орлогыг тооцож, хүүхдийн мөнгөнөөс хасалт хийнэ гэдэг утгагүй зүйл юм.