Яруу найрагч Ц.Хуланг тагнуулын хэргээр энэ сарын 18-19-нд шилжих шөнө 48 цагийн хугацаатайгаар саатуулсан. Тодруулбал, түүнийг  ШШГЕГ-ын харьяа цагдан хорих 461 дүгээр ангид саатуулсан аж. Түүнийг үргэлжлүүлэн хорих эсэх саналыг өчигдөр шүүхээр хэлэлцэх байсан ч яллагдагч Ц.Хулангийн өмгөөлөгч шүүгчээс татгалзсан. Уг хүсэлтийг тус шүүхийн Ерөнхий шүүгч шийдвэрлэсний дараа шүүх хурлыг товлож хэлэлцэхээр болсон.

    Тэгвэл Ерөнхий шүүгч хүсэлтийг шийдвэрлэснээр яллагдагч Ц.Хуланг цагдан хорих эсэхийг хэлэлцэж, нэг сар цагдан хорих шийдвэр гаргажээ. Тодруулбал, ТЕГ-ын Мөрдөн шалгах газраас Ц.Хуланг Эрүүгийн хуулийн 19.4-1 зааснаар гадаадын тагнуулын алба, иргэнтэй хууль бусаар хамтарч ажилласан гэх зүйл ангиар буруутгаж байгаа.