Хүүхдийн мөнгөтэй холбоотой асуудлаар Засгийн газраас мэдээлэл хийж байна.

         Энэ үеэр Улсын бүртгэлийн ерөнхий газрын дарга Д.Дэлгэрсайхан “Улсын бүртгэлийн газраас burtgel.gov.mn гэх сайт руу нэвтрэн  ороод, тухайн иргэний байнга оршин суугаа хаягийн мэдээллийг шалгах гэх цэс бий. Тэр цэсээр ороод, бүртгэлийн дугаар, эсвэл ригестрийн дугаараараа иргэний улсын бүртгэлийн мэдээллийн санд байгаа өөрийн хаяг дээр хэдэн хүн байгаа талаарх мэдээлэлтэй хамгийн хялбар байдлаар танилцах боломжийг олгож байна. Иргэдийн дунд  “Олон хүүхэд байна, миний хүүхэд хасагдсан, нэмэгдсэн” гэх эргэлзээтэй мэдээлэл гарсан. Тэгвэл энэхүү сайт руу орсноороо улсын бүртгэлээс бодит мэдээллийг авч болно.  Өөрөөр хэлбэл, энэхүү сангаараа тухайн хаягт ямар иргэд байгааг мэдээлж байгаа юм. Иргэд эргээд авсан мэдээллээ энэхүү сайтаараа дамжуулан, тайлбар болон утсаа бичээд мэдээлнэ. Бүртгэлийн байгууллага, орон даяар үйл ажиллагаа явуулдаг. Тухайн мэдээллийг зөрүүтэй бол газар дээр нь шалгаад, хариу өгнө" гэв.