Дархан-Уул аймгийн иргэд Тохижилт, үйлчилгээний газрынхан автозамыг цэвэрлэж, бодис цацдаггүй. Тиймээс иргэд мөстсөн автозамаар осолд орох эрсдэлтэй явж байгаа талаар мэдээлсэн. Энэ талаар Дархан-Уул аймгийн Иргэдийн төлөөлөгчдийн хурлын дарга С.Насанбатаас тодрууллаа. Тэрбээр “Манай аймгийн сүүдэр газар, гэр хорооллын автозам мөстсөн байдалтай байгаа. Харин төв зам ямар ч халтиргаа, гулгаагүй байгаа. Энэ жилийн давсны нөөц хэвийн байгаа учир ажилчид цас орсон үед давс, бодисоо цацаж байгаа” гэлээ.