Хүүхдийн мөнгөн тэтгэмжийн асуудлаар Хөдөлмөр, нийгмийн хамгааллын яам, Цахим хөгжил, харилцаа, холбооны яам болон Үндэсний статистикийн хорооноос хэвлэлийн бага хурал хийлээ. Хурлын үеэр Үндэсний статистикийн хорооны дэд дарга Д.Лхамсүрэн дараах мэдээллийг өглөө. 

        Тэрбээр “Хүүхдийн мөнгөн тэтгэмж олгох шалгуурыг тооцоолохдоо яагаад тухайн өрхийн зээлийн мэдээллийг оруулаагүй вэ” гэсэн асуулт их ирсэн. Орлогыг орлуулан тооцоолох аргачлалыг туршихдаа зээлийг оруулсан болон оруулаагүй байдлаар туршилт хийсэн. Орлогыг оруулан тооцоолоход орлого болон үл хөдлөх хөрөнгийн үнэлгээ дээр суурилан аж байдлын үнэлгээг гарахад зээлийн мэдээллийн статистик чанар нь оролцоо багатай, зээлийн мэдээллийг оролцуулах шаардлагагүйгээр үнэлгээ хийгдэх боломжтой гэсэн үр дүн гарсан. Тиймээс бид өрхүүдийн зээлийн мэдээллийг оруулаагүй” гэв.