Батлан хамгаалахын сайдын Г.Сайханбаяр Бүгд найрамдах Өмнөд Судан Улсад явагдаж буй НҮБ-ын энхийг сахиулах "UNIMISS" ажиллагаанд үүрэг гүйцэтгэх XII ээлжийн цэргийн багийн бие бүрэлдэхүүний ар гэрийн төлөөлөлтэй уулзалт хийлээ. Уулзалтын үеэр НҮБ-ын энхийг сахиулах ажиллагааны талаар болон монгол цэргүүдийн үүрэг гүйцэтгэлтийн байдал, гарч буй бодлогын шинэчлэлт өөрчлөлтүүдийн талаар мэдээлэл өглөө.

        Анхны энхийг сахиулагч алба хаагчдаа дэлхийн халуун цэгүүдэд үүрэг гүйцэтгүүлэхээр илгээснээс хойш 21 жил өнгөрчээ. Энэ хугацаанд дэлхийн гурван тивд явагдсан энхийг сахиулах ажиллагаануудад манай орноос давхардсан тоогоор 21000 гаруй цэргийн алба хаагч үүргээ нэр төртэй гүйцэтгэсэн байна. НҮБ-аас Монгол Улсын энхийг сахиулагчдын талаар маш өндөр үнэлгээтэй байдаг.