Ардчилсан намын Үндэсний бодлогын хорооны хуралд оролцож буй УИХ-ын гишүүн асан Л.Гүндалай цаг үеийн асуудлаар мэдээлэл хийлээ.

     Тэрбээр “АН-ын үндэсний бодлогын хорооны хурал нь хоёр талд талцаад байгаа гишүүдийг нэгтгэсэн хурал юм. Энэ хурлаар хоёр талд гарсан бүх гишүүдийг нээлттэйгээр хуралд оролцуулж, хагарал, бутралыг эвлэрүүлж, нэг тал руу болгож байна. Өөрөөр хэлбэл өнөөдрийн хурал бол хамгийн хүчин төгөлдөр хурал. Тиймээс Үндэсний бодлогын хорооны гишүүд нэгдэж шийдвэр гаргах нь удирдлагуудыг хүссэн хүсээгүй нэгтгэнэ. Тиймээс би хуралд оролцохоор ирсэн. Ташрамд хэлэхэд миний бие Ардчилсан намын даргад нэр дэвшинэ. Монгол Улсын хуулиар хүн хоёр намд гишүүнчлэлтэй байж болохгүй. Тиймээс би өөрийн өмнөх намын гишүүнчлэлээс гарсан. Одоогийн байдлаар ардчилсан намыг ялалтад хүргэж, монголын нийгэм, улстөрийг өөрчилж, улсын ойрын ирээдүйг сайн сайхан болгох удирдагч хэрэгтэй байна. Мөн би аль ч фракцад байдаггүй. Мөн ардчилсан намыг зүдэрч, ядарч явахад би тэмцэж, энэ намыг ялалтад хүргэж байсан түүхтэй хүн. Өөрийн нас, боловсрол, туршлагын зам мөрөөр энэ намыг ялалтад хүргэнэ. Үнэн хэзээд даравч далдайна, булавч булдайна. Тиймээс цаашдын ялалт манай намд хамгийн чухал. Ард түмэн сайн удидардагчийг хайж байгаа. Тийм ч учраас гишүүд намайг дэмжинэ гэдэгт итгэлтэй байгаа. Одоогийн АН-ын бүлэг сөрөг хүчний үүргээ сайн биелүүлж чадахгүй байгаа нь үнэн” гэлээ.